Powered By Blogger

Rabu, 17 Oktober 2012

Jumat, 12 Oktober 2012

Lawas: Taruna Gera'



By: 

Andra Shate Taubat
Ta nya aku tau gera
piyet mata mara cina
no mo gama sia cela

Aku ta taruna gera
buya tu dadara gera
lema bau samalewa

Me pang rungan dara gera
lema kuajak bagila'
min no roa ku samanta

lamen dara to rabungkak
ku sagila kenang minyak
ayam tutet sesing bapak

aku ta taruna gera
panyayang nongka sangara
ku saketong jangka era

Selasa, 09 Oktober 2012

Jaga Karante




by: Andra Shate Taubat

Jaga boa bakarante
na mu pina tu sak ate
bau belo saling beme

ka mu pina tu sak ate
na mu pina nyaman ate
totang dosa totang mate

lamen balong bakarante
tu ramenong bakamore
belo notang jangka mate

mu sarusak ate dengan
Qur'an ada bawa rungan
neraka dadi balasan

tu sanyaman ate dengan
mudi dapat si balasan
surga tokal bakanyaman

Minggu, 07 Oktober 2012

Totang Gama

by:

kaku datang kewa balong
konang rasa ku kasinong
lalo mole kewa balong

tone datang sepan salam

leng aku ta tau islam
ta ku mole sepan salam

lamen mudi ya mu nyempet

no mo aku uang benang
kemas kau nan mo aku

ta nya nyonde ta mo nyonde

na panto batang parana
totang singenku baemo

lamen singen no mu totang

dana me lako mu bolang
mu rabilen gama nulang

Lawas: Na Rancela





by: Andra Shate Taubat
Kanyong tingi mo pang tokal
laung bega basangkual
teman ate no bakeal

Na mo jina tu rancela
tilik diri tu me rua
kena balong de tu cela

peno tempa pang dunia
tau lenge de rancela
nongka to luk riri boa

arap ate tama surga
konang boatmu rancela
me tanang seseng neraka

jaga boa tu we sanak
min rancela inak bapak
mudi nuras si ko anak

balong didik anak dadi
tu pariri ke pamendi
lema mengas ano mudi

min tu didik ke rancela
mudi mole si ko kita
seda kita nan si nya

ka tu didik kewa kemas
mudi balas tu ke kemas
me luk ampo buya mengas

min tu didik rena tomas
me tanang tu tangka mengas
sajan ungkap mara langas

sate maras pang dunia
jaga boa na rancela
peno dengan beri kita

Sabtu, 06 Oktober 2012

Lawas : Urung Merari




by:
Andra Shate Taubat


Tu bajangi tone rawi
ya ku datang tutet yandi
entek bale R T Ali

salingong mataku nulang
arap yandi yada datang
kubatari jangka petang

rena kunyangkuk basungu
rosek seda ayam ngungku
ku sampina seda kau

rea sabar tari kau
jangka batungku ke subu
rena tunung anok kayu

urung jangi tu merari
ate ngering leng saredi
mara bakat kena ai

Kamis, 04 Oktober 2012

Lawas; Lala ( Lalu) Saudi



By: Andra Shate Taubat

Bacaan untuk Salaki
============

Tu maranto pang saudi
bentan rara ate ngasi

ngaro buya baing pendi

lagi ampo de tu jatu
keras lalo ke panyuru
mara benang bagarutu

bilen anak masih ode
ampo totang inak tode
dalam ate sate mole

ta mo jangi pang saudi
totang anak ke sawai
lolo kayu buya ai

petang ano kaku notang
ai mata ku ngaromang
totang anak de kusayang

panotang ta no si putes
konang masih sate pipes
basabeta' rena nanges

sajan ngasi dalam ate
muntu ada nelpon tode
beling bapak lema mole

ai mata ku ngaromang
ku samung sabar we sayang
bapak muntu buya uang

Bacaan Untuk Swai
============



Tu maranto pang saudi
bentan rara ate ngasi

ngaro buya baing pendi

lagi ampo de tu jatu
keras lalo ke panyuru
mara benang bagarutu

bilen anak masih ode
ampo totang bapak tode
dalam ate sate mole

ta mo jangi pang saudi
totang anak ke salaki
uma toar buya ai

petang ano kaku notang
ai mata ku ngaromang
totang anak de kusayang

panotang ta no si putes
konang masih sate pipes
basabeta' rena nanges

sajan ngasi dalam ate
muntu ada nelpon tode
beling inak lema mole

ai mata ku ngaromang
ku samung sabar we sayang
inak muntu buya uang

Selasa, 02 Oktober 2012

Lawas: Sate Merarik



by: Andra Shate Taubat

We andiku balong ate
ada sate ku karante
tom mo lalo bale R T

Nonda niat ku bakelo
Arap ateku ka sopo
selen andi ba sai po

lamen no nyadu andi e
ma satungku ima ode
tu bajangi basakeke

we andiku balong ate
siong apa ku pakeke
tepung kau de kusate

lamen mu sangkal andi e
nonda jangka saket ate
ngere balong mo kumate