Lawas: Cinta Andra & Dewi

By: Adra Shate Taubat

Dewi
====
ado kakak no ku tua
tu tokal baselen gili
datang ete kugama na

Andra
====
dewi andiku balong e
sabar gama mu batari
mudi tari bulan haji

Dewi
====
parangan sabelo ola
kaling riyad jangka gasim
sate lalo pri sia

Andra
====
ku sarampak salam doa
lema no bosan batari
bulan haji tu basai

Dewi
=====
ngesan rasa ku batari
petang tunung batalengan
angan ate totang sia

Andra
====
aku ngere si kunotang
panto goleng sangka kau
kupusal jangka les kapuk

Dewi
====
waina kakak ku kamuru
yaken lema mo bajatu
lema mares tu batungku

Andra
====
yaku ribat ku saruku
lema na renteng batungku
kalah tali ontar telu

barema
=====
gama mares baturet ling
mara ai de ngarereng
sasenap ate parana