Lawas:Rayuan Pengantin Bru

By:Andra Shate Taubat

lawas selaki:
=========
balong kemas mu pe andi
mara kemang mentu mekar
bawa senap mata nulang

lawas sawai:
=========
sate senap mata nulang
jaga balong gama kemang
muntu luset lema ai

lawas selaki:
=========
kemang luset nonda ai
ku siram ai penyanyang
lema belo mo ku nyumpeng

lawas sawai:
=========
laow-laow sumpeng kemang
na sia pina polak bewe
lagi jangka jolo puin

lawas selaki:
=========
no ku beang polak bewe
lagi ampo jolo puin
ku jaga parana mesa

lawas sawai:
=========
parana kaku parana sia
sasopo ate saleng pendi
susah maras tu sakiki

lawas selaki:
==========
tu saling sakiki rara
sira bage temung rasa
nyaman ate de tu buya